مستخدمو الفيس بوك:

– الجو لو فضل كده لحد يوم 25 يناير الجيش ممكن يفض المظاهرات بإزازتين مية ساقعة
– إحنا بنعييش حملة فريزر التانية على مصر.
– بالنسبه للناس الي كانت ناوية تحرق مصر.. ياريت تبدأوا من دلوقتي عشان كده هنموت من البرد

كعادتهم دائما.. يواجه المصريون الأزمات بالنكات والابتسامة، والظروف السيئة بالسخرية اللطيفة، ولم تسلم حالة الطقس وبرودة الجو من سخرية المصريين الذين راحوا يتبادلون الـ”القلشات” ويطلقون التعليقات الساخرة عبر مواقع التواصل الاجتماعي.

البداية كانت مع عدم وضوح الطقس في الأيام السابقة وتأرجحه بين البرودة والحرارة، حيث بدأت تعليقات المصريين الساخرة على “الفيس بوك” و “تويتر” إلى الحد الذي وصف فيه أحد المستخدمين الطقس بأنه “برد نار أو حر تلج”، بينما علق آخر: دا شتا بيستهبل، فيما اقترح آخر: المفروض نلبس بلوفر نص كوم.

ومع انخفاض درجة الحرارة فجأة وهطول الأمطار بكثافة على معظم مدن الوجه البحري، انطلقت معها “قلشات” مستخدمي مواقع التواصل الاجتماعي، فكتب mizo ساخرا على الطقس والحالة المعيشية معًا: الطقس طقس أوروبا والعيشة عيشة صومال، فيما قال mahmoud reyad : مصر دافئة بطبيعتها.. البرد جزء من المخطط الأجنبي عشان عجلة الإنتاج تقفش.

واستمرارًا للإسقاطات السياسة على الطقس علقت nimo: منكوا لله يا بتوع الثورة بقالنا سنين مع حسنى مبارك والدنيا عمرها ماسقعت كده بالمنظر ده، وقالت samira ali : بالنسبه للناس الي كانت ناوية تحرق مصر… ياريت تبدأوا من دلوقتي عشان كده هنموت من البرد!!.

وعن 25 يناير القادم قال المستخدم Yasser omar: الجو لو فضل كده لحد يوم 25 يناير الجيش ممكن يفض المظاهرات بإزازتين مية ساقعة، فيما كتب omar megahed: في مثل هذه الظروف الباردة.. قرر نسر العلم تخليه عن منصبه وتكليف طائر البطريق بإدارة شئون العلم.

كما استمرت إسقاطات مستخدمي الفيس بوك على حالة الطقس ، فكتب ahmed morgan : وأنا من البداية يا ساقعة بتحمل .. وخلاص كفاية صوابعي بتنمل، بينما علقت على منشوره heba radi: 7 بطاطين ودفاية والبرد واصل لقفايا، وشاركهما nabil nadi: إحنا بنعييش حملة فريزر التانية على مصر / عن الموجز